سورة البقرة - آیت 160

إِلَّا الَّذِينَ تَابُوا وَأَصْلَحُوا وَبَيَّنُوا فَأُولَٰئِكَ أَتُوبُ عَلَيْهِمْ ۚ وَأَنَا التَّوَّابُ الرَّحِيمُ

ترجمہ فہم القرآن - میاں محمد جمیل

مگر جو لوگ توبہ کریں اور اصلاح کرلیں اور کھول کر بیان کریں تو میں ان کی توبہ قبول کرتا ہوں اور میں معاف کرنے والا اور نہایت رحم کرنے والا ہوں

تفسیرتیسیرارحمٰن - محمد لقمان سلفی

236: اس آیت میں حکم سابق سے استثناء ہے کہ جو اپنے گناہوں سے تائب ہوگا اور اپنی اصلاح کرلے گا، اور حق کی جو بات چھپائی تھی اسے لوگوں کے سامنے بیان کردے گا تو اللہ تعالیٰ ان کی توبہ قبول کرلے گا۔