سورة التوبہ - آیت 11

فَإِن تَابُوا وَأَقَامُوا الصَّلَاةَ وَآتَوُا الزَّكَاةَ فَإِخْوَانُكُمْ فِي الدِّينِ ۗ وَنُفَصِّلُ الْآيَاتِ لِقَوْمٍ يَعْلَمُونَ

ترجمہ فہم القرآن - میاں محمد جمیل

” پس اگر وہ توبہ کرلیں اور نماز قائم کریں اور زکوٰۃ ادا کریں تو دین میں تمہارے بھائی ہیں اور ہم جاننے والوں کے لیے کھول کر آیات بیان کرتے ہیں۔“ (١١)

تفسیر تیسیر الرحمن لبیان القرآن - محمد لقمان سلفی صاحب

(10) اس آیت کے سیاق وسباق میں مسلمانوں کو ایک نصیحت کی گئی ہے کہ تمہارے دوستی اور دشمنی کی بنیاد صرف اللہ کی رضا ہونی چا ہیئے کوئی خواہش نفس نہیں اس لیے اگر کوئی تمہارے دین کا مؤید ہے تو اسے اپنا دوست سمجھو اگر وہ مشرکین اپنے شرک سے تائب ہوجائیں اور ایمان لے آئیں نماز پڑھیں اور زکاہ دیں تو وہ تمہارے دینی بھائی ہیں اس کے ساتھ بھائیوں جیسا برتاؤ کرو اور پرانی عداوت کو بھول جاؤ۔