سورة الغاشية - آیت 1

هَلْ أَتَاكَ حَدِيثُ الْغَاشِيَةِ

ترجمہ فہم القرآن - میاں محمد جمیل

کیا تمہیں اس چھا جانے والی قیامت کی خبر پہنچی ہے؟

تفسیر تیسیر القرآن - مولانا عبدالرحمٰن کیلانی

[١] غَاشِیَۃً: غَشَی بمعنی ایک چیز پر دوسری چیز کا چھا کر اسے ڈھانپ لینا اور غشی ایسی حالت کو کہتے ہیں جبکہ انسان کے ہوش و حواس زائل ہوجائیں اور غاشیہ بمعنی وہ چیز جس کی ہیبت ہر شخص پر چھا جائے گی۔ ہوش و حواس گم کردینے والی اور اس سے مراد قیامت کا دن ہے۔