سورة الشعراء - آیت 11

قَوْمَ فِرْعَوْنَ ۚ أَلَا يَتَّقُونَ

ترجمہ فہم القرآن - میاں محمد جمیل

فرعون کی قوم تقویٰ اختیار نہیں کرتی (١١)

تفسیر تیسیر القرآن - مولانا عبدالرحمٰن کیلانی

[٩] بنی اسرائیل پر فرعون اور اس کی حکومت نے جو مظالم ڈھا رکھے تھے ان کی بنا پر اللہ تعالیٰ نے اس قوم کا تعارف ہی ظالم قوم سے کرایا اور جب وہ ایسے مظالم ڈھاتے تھے تو انہیں کسی بھولے سے بھی یہ خیال نہیں آتا تھا کہ ان کے اوپر بھی کوئی ایسی ہستی موجود ہے جو ان سے ان کے مظالم کا بدلہ لینے کی قدرت رکھتی ہے۔ وہ اپنی طاقت اور حکومت کے نشہ میں اللہ کی گرفت سے بالکل بے خوف ہوچکے تھے۔