سورة البقرة

قَالُوا ادْعُ لَنَا رَبَّكَ يُبَيِّن لَّنَا مَا هِيَ ۚ قَالَ إِنَّهُ يَقُولُ إِنَّهَا بَقَرَةٌ لَّا فَارِضٌ وَلَا بِكْرٌ عَوَانٌ بَيْنَ ذَٰلِكَ ۖ فَافْعَلُوا مَا تُؤْمَرُونَ

انہوں نے کہا اے موسیٰ اپنے رب سے دعا کیجیے کہ ہمارے لیے بیان کرے کہ وہ کیسی گائے ہو؟ موسیٰ (علیہ السلام) نے فرمایا کہ اللہ تعالیٰ فرماتا ہے کہ وہ نہ بالکل بڑھیا ہو اور نہ بچی بلکہ درمیانی عمر کی ہو۔ جو تمہیں حکم دیا گیا ہے کر گزرو۔

اللہ تعالیٰ نے نبی کے ذریعے صرف گائے ذبح کرنے کا حکم دیا تھا۔ انھوں نے واضح نشانیاں دریافت کرنا شروع کردیں اور جوں جوں وہ سوال کرتے گئے پابندیاں بڑھتی گئیں۔ زیادہ سوالات سے بے حسی بڑھتی ہے اور یہ بے حسی اللہ کی یاد سے غافل ہونے کا سبب بنتی ہے۔