سورة المآئدہ

لَئِن بَسَطتَ إِلَيَّ يَدَكَ لِتَقْتُلَنِي مَا أَنَا بِبَاسِطٍ يَدِيَ إِلَيْكَ لِأَقْتُلَكَ ۖ إِنِّي أَخَافُ اللَّهَ رَبَّ الْعَالَمِينَ

” اگر تو نے اپناہاتھ میری طرف بڑھایا کہ مجھے قتل کرے تو میں اپناہاتھ تیری طرف بڑھانے والا نہیں ہوں کہ تجھے قتل کروں بلاشبہ میں اللہ سے ڈرتا ہوں جو تمام جہانوں کا رب ہے۔ (٢٨)

جب قابیل کی قربانی مردود ہوگئی تو اس کا غصہ انتقام میں بدل گیا اور اس نے اپنے بھائی ہابیل کو دھمکی دی کہ میں تمہیں جان سے مار ڈالوں گا۔ ہابیل نے کہا کہ اگر تمہاری قربانی قبول نہیں ہوئی تو اس میں میرا کیا قصور ہے۔ اور اگر تم مجھے مارنے پر ہی تلے ہوئے ہو تو میں تم پر ہاتھ نہیں اٹھاؤنگا۔ کیونکہ میں اسے بہت بڑا ظلم سمجھتا ہوں اور اللہ رب العالمین سے ڈرتا ہوں۔