سورة المآئدہ

وَعَدَ اللَّهُ الَّذِينَ آمَنُوا وَعَمِلُوا الصَّالِحَاتِ ۙ لَهُم مَّغْفِرَةٌ وَأَجْرٌ عَظِيمٌ

” اللہ نے ان لوگوں سے وعدہ کیا ہے جو ایمان لائے اور نیک کام کیے ان کے لیے بخشش اور بہت بڑا اجر ہے۔

دو طرح کے اعمال دو طرح کا اجر: اس آیت میں اللہ تعالیٰ نے دو طرح کے اعمال کا ذکر فرمایا۔ اعمال: (۱)ایمان۔ (۲)عمل صالح۔ اجر: (۱) مغفرت کا وعدہ۔ (۲)اجر عظیم کا وعدہ۔ جو لوگ اللہ پر ایمان لائے اور اس کے ساتھ کسی کو شریک نہیں کیا ان کی بھی مغفرت ہوجائے گی اور اجر عظیم تو صرف ان لوگوں کو ملے گا جو ایمان کے ساتھ اعمال صالحہ بھی بجالاتے ہونگے۔