سورة النسآء

إِن يَشَأْ يُذْهِبْكُمْ أَيُّهَا النَّاسُ وَيَأْتِ بِآخَرِينَ ۚ وَكَانَ اللَّهُ عَلَىٰ ذَٰلِكَ قَدِيرًا

اے لوگو! اگر وہ چاہے تو تمہیں لے جائے اور دوسروں کو لے آئے اور اللہ تعالیٰ اس پر قدرت رکھنے والا ہے

اگر وہ چاہے، یعنی صرف اللہ کو حق ہے چاہت کا، وہ تمہیں لے جائے اور دوسروں کو لے آئے اور اللہ کو اس پر اختیار ہے۔ اللہ نے اپنی حاکمیت کا خوف دلایا ہے۔ اللہ نے تو اپنے دین کو سربلند کرنا ہے۔ لہٰذا جو لوگ بھی اللہ کے اس مشن کو جاری رکھنے کے قابل ہونگے وہ انہی کو آگے لے آئے گا۔ لہٰذا تمہارا مفاد اسی میں ہے کہ تم ہی اس کے فرمانبردار بن کر رہو، اللہ تعالیٰ نے انسانی شعور کو اُجاگر کیا ہے کہ اگر تم اصلاح نہیں کرو گے تو اللہ دوسروں کو لے آئے گا، اس لیے انسان ڈر جاتا ہے اور عمل صالح کرتا ہے۔