سورة النسآء - آیت 107
وَلَا تُجَادِلْ عَنِ الَّذِينَ يَخْتَانُونَ أَنفُسَهُمْ ۚ إِنَّ اللَّهَ لَا يُحِبُّ مَن كَانَ خَوَّانًا أَثِيمًا
ترجمہ فہم القرآن - میاں محمد جمیل
اور ان لوگوں کی طرف سے جھگڑا نہ کرو جو اپنے آپ میں خائن ہیں۔ یقیناً دغا باز، گنہگار کو اللہ تعالیٰ پسند نہیں کرتا
تسہیل البیان فی تفسیر القرآن - ام عمران شکیلہ بنت میاں فضل حسین
ان لوگوں سے مراد وہی چور انصاری کے خاندان کے لوگ ہیں۔ جنھوں نے محض خاندانی تعصب کی بناء پر چور کی حمایت کی پھر آپ کے سامنے چور کے مجرم نہ ہونے کی قسمیں بھی کھائی تھیں اور سارا الزام بے گناہ یہودی کے سر تھوپ دیا تھا اور مجرم کے دو گناہ تھے۔ (۱)چوری۔ (۲)مورد الزام یہود کو ٹھہرانا۔