سورة الحاقة - آیت 7

سَخَّرَهَا عَلَيْهِمْ سَبْعَ لَيَالٍ وَثَمَانِيَةَ أَيَّامٍ حُسُومًا فَتَرَى الْقَوْمَ فِيهَا صَرْعَىٰ كَأَنَّهُمْ أَعْجَازُ نَخْلٍ خَاوِيَةٍ

ترجمہ فہم القرآن - میاں محمد جمیل

اللہ تعالیٰ نے ان پر آندھی کو مسلسل سات راتیں اور آٹھ دن مسلط کیے رکھا آپ وہاں ہوتے تو دیکھتے کہ وہاں وہ اس طرح مرے پڑے تھے جیسے وہ کھجور کے بوسیدہ تنے ہوں

تسہیل البیان فی تفسیر القرآن - ام عمران شکیلہ بنت میاں فضل حسین

چاروں شانے چت: یعنی یہ لوگ بڑے مضبوط جسم والے، طاقتور اور طویل القامت تھے۔ جب ان كو ہود علیہ السلام نے عذاب سے ڈرایا تو كہنے لگے (مَنْ اَشَدُّ مِنّا قُوَّةً) ہم سے زیادہ طاقتور كون ہے؟ لیكن جب ہم نے ان پر ہوا كو چھوڑ دیا تو یہ لوگ اس كا بھی مقابلہ نہ كر سكے اور تند وتیز ہوا نے ان كو یوں چاروں شانے چت گرا دیا كہ طویل القامت ہونے كی وجہ سے ان كے سر گرتے ہی تن سے جدا ہو جاتے تھے۔ اور یوں معلوم ہوتا تھا كہ كھجوروں كے بے جان اور كھوكھلے تنے پڑے ہوئے ہیں۔