سورة الملك

قُلْ هُوَ الَّذِي ذَرَأَكُمْ فِي الْأَرْضِ وَإِلَيْهِ تُحْشَرُونَ

ان سے کہو اللہ ہی ہے جس نے تمہیں زمین میں پھیلایا ہے اور اسی کی طرف تم اکٹھے کیے جاؤ گے

یعنی اللہ وہ ذات ہے جس نے تمہیں ایك نفس سے پیدا كیا پھر تمام روئے زمین میں پھیلا دیا، تمہاری زبانیں جدا، تمہارے رنگ و روپ جدا، تمہاری شكلوں صورتوں میں اختلاف اور تم زمین كے چپہ چپہ پر بسا دئیے گئے۔ اگر اس میں یہ قدرت ہے تو پھر وہ تمہیں ایك جگہ پر اكٹھا بھی كر سكتا ہے۔ اور یہ كام وہ عالَم آخرت میں كرے گا۔