سورة الملك - آیت 16

أَأَمِنتُم مَّن فِي السَّمَاءِ أَن يَخْسِفَ بِكُمُ الْأَرْضَ فَإِذَا هِيَ تَمُورُ

ترجمہ فہم القرآن - میاں محمد جمیل

کیا تم اس ہستی سے بے خوف ہوگئے جو آسمان میں ہے وہ تمہیں زمین میں دھنسا دے اور اچانک زمین ہچکولے کھانے لگے؟

تسہیل البیان فی تفسیر القرآن - ام عمران شکیلہ بنت میاں فضل حسین

مغفرت كا مالك بھی اور گرفت پر قادر بھی : اللہ تعالیٰ جو آسمانوں پر یعنی عرش پر جلوہ گر ہے كافروں كو اس کی عظیم ذات سے ڈرایا جا رہا ہے كہ آسمانوں والی ذات جب چاہے تمہیں زمین میں دھنسا دے اور وہی زمین جو تمہاری قرار گاہ ہے اور تمہاری روزی كا مخزن ومنبع ہے اللہ تعالیٰ اسی زمین كو جو نہایت پر سكون ہے حركت وجنبش میں لا كر تمہاری ہلاكت كا سبب بنا سكتا ہے۔