قَدْ فَرَضَ اللَّهُ لَكُمْ تَحِلَّةَ أَيْمَانِكُمْ ۚ وَاللَّهُ مَوْلَاكُمْ ۖ وَهُوَ الْعَلِيمُ الْحَكِيمُ
اللہ نے تم لوگوں کے لیے تمہاری قسموں کو حلال کرنے کا طریقہ مقرر کردیا ہے اللہ تمہارا مولیٰ ہے، اور وہ سب کچھ جاننے اور حکمت والا ہے۔
قسموں كا كفارہ: یعنی كفارہ ادا كر كے، اس كام كو كرنے كی، جس كو نہ كرنے كی قسم كھائی ہو اجازت دے دی، قسم كا یہ كفارہ سورئہ المائدہ (۸۹) میں بیان كیا گیا ہے چنانچہ نبی صلی اللہ علیہ وسلم نے بھی كفارہ ادا كیا۔ (فتح القدیر) اللہ تمہارا سرپرست ہے: یعنی اللہ ہی تمہارے تمام معاملات كا نگران اور محافظ ہے، اس نے جو چیزیں حلال كی ہیں وہ بھی اپنے علم وحكمت كی بنا پر كی ہیں اور جو حرام كی ہیں وہ بھی علم وحكمت كی بنا پر ہی كی ہیں تمہارا كام بس یہ ہے كہ تمہیں كسی حكم كی حكمت سمجھ آئے یا نہ آئے اس كے احكام كی اطاعت كرتے جاؤ۔