سورة الذاريات

وَفِي الْأَرْضِ آيَاتٌ لِّلْمُوقِنِينَ

یقین کرنے والوں کے لیے زمین میں بہت سی نشانیاں ہیں

یعنی یقین رکھنے والوں کے لیے زمین میں بھی بہت سے نشانات قدرت موجود ہیں۔ جو خالق کی عظمت و عزت، اور ہیبت و جلالت پر دلالت کرتے ہیں دیکھو کہ کس طرح اس نے حیوان و نباتات کو پھیلا دیا ہے۔ اور کس طرح اس میں پہاڑوں میدانوں، سمندروں اور دریاؤں کو رواں کیا ہے۔ اور یہ سب چیزیں انسان کے فائدے کے لیے بنائی گئی ہیں۔