سورة آل عمران

إِنَّمَا ذَٰلِكُمُ الشَّيْطَانُ يُخَوِّفُ أَوْلِيَاءَهُ فَلَا تَخَافُوهُمْ وَخَافُونِ إِن كُنتُم مُّؤْمِنِينَ

یہ صرف شیطان ہے جو تمہیں اپنے دوستوں سے ڈراتا ہے تم ان کافروں سے نہ ڈرو اور مجھ سے ہی ڈرو اگر تم مومن ہو

یہ شیطان تمہیں وسوسے اور وہم میں ڈالتا ہے کہ دشمن بڑا مضبوط اور طاقتور ہے۔ تاکہ تم خوف زدہ ہوکر مقابلے کا ارادہ ترک کردو۔ جب وہ تمہیں اس وہم میں مبتلا کرے تو تم صرف مجھ ہی پر بھروسہ رکھو۔ اور میری ہی طرف رجوع کرو۔ میں تمہیں کافی ہوجاؤں گا اور تمہارا مددگار رہونگا۔ چنانچہ ارشاد باری تعالیٰ ہے: ﴿اَلَيْسَ اللّٰهُ بِكَافٍ عَبْدَهٗ﴾ (الزمر: ۳۶) ’’کیا اللہ اپنے بندے کے لیے کافی نہیں ہے۔‘‘