سورة الحجرات

قُلْ أَتُعَلِّمُونَ اللَّهَ بِدِينِكُمْ وَاللَّهُ يَعْلَمُ مَا فِي السَّمَاوَاتِ وَمَا فِي الْأَرْضِ ۚ وَاللَّهُ بِكُلِّ شَيْءٍ عَلِيمٌ

اے نبی فرما دیں کہ کیا تم اللہ کو اپنے دین کی خبر دیتے ہو؟ حالانکہ اللہ زمین اور آسمانوں کی ہر چیز کو جانتا ہے اور وہ ہر چیز کا علم رکھتا ہے

ان لوگوں نے نبی صلی اللہ علیہ وسلم کے پاس آ کر کہا تھا دیکھو ہم مسلمان ہو گئے ہیں اور آپ صلی اللہ علیہ وسلم کی مدد کی جب کہ دوسرے عرب آپ صلی اللہ علیہ وسلم سے برسرپیکار ہیں۔ اللہ تعالیٰ نے ان کارد فرماتے ہوئے ارشاد فرمایا کہ تم اللہ پر ایمان لانے کا احسان مت جتلاؤ۔ اس لیے کہ اگر تم اخلاص سے مسلمان ہوتے ہو تو اس کا فائدہ تمہیں کو ہو گا نہ کہ اللہ کو۔ بلکہ یہ اللہ کا تم پر احسان ہے کہ اس نے تمہیں قبول اسلام کی توفیق دے دی۔