سورة آل عمران - آیت 166

وَمَا أَصَابَكُمْ يَوْمَ الْتَقَى الْجَمْعَانِ فَبِإِذْنِ اللَّهِ وَلِيَعْلَمَ الْمُؤْمِنِينَ

ترجمہ فہم القرآن - میاں محمد جمیل

اور جو کچھ تمہیں تکلیف پہنچی جس دن دو جماعتیں باہم ٹکرائیں وہ سب اللہ تعالیٰ کے حکم سے تھا تاکہ اللہ تعالیٰ ایمان والوں کو جان لے

تسہیل البیان فی تفسیر القرآن - ام عمران شکیلہ بنت میاں فضل حسین

جس دن دو جماعتیں بھڑگئیں، اللہ کی حکمت دیکھیے کہ اللہ تعالیٰ نے شکست دے کر مسلمانوں کو بہت سے فوائد پہنچائے کھرے کھوٹے کی پہچان ہوگئی۔ توکل کرنے والوں کے پاؤں جم گئے، غزوہ اُحد کے بعد رسول اللہ کی اطاعت کی کوشش کرتے رہے۔ اخلاص کھل کر سامنے آگیا۔ رجوع اللہ کی طرف ہوا۔ تقدیر پر بھروسہ کرنا آگیا۔