سورة الجاثية

إِنَّ فِي السَّمَاوَاتِ وَالْأَرْضِ لَآيَاتٍ لِّلْمُؤْمِنِينَ

حقیقت یہ ہے کہ ایمان لانے والوں کے لیے آسمانوں اور زمین میں بے شمار نشانیاں ہیں

کائنات کا نظم و نسق: پہلی دلیل یہ کائنات اور اس کا نظام ہے۔ اس کے کسی ایک پہلو پر بھی اگر غور کر لیا جائے تو معلوم ہو جائے گا کہ اس میں الگ الگ خداؤں کی خدائی چلنے کی کوئی گنجائش نہیں۔ یہ نا ممکن ہے کہ بادلوں کا دیوتا کوئی اور ہو۔ ہواؤں کا کوئی دوسرا ہو، بارش کا کوئی تیسرا ہو اور سورج کا کوئی اور ہو، اگر ایسی بات ہوتی تو کائنات کے نظام میں کبھی باقاعدگی اور ہم آہنگی نہ آ سکتی۔