سورة الزخرف

أَمْ أَبْرَمُوا أَمْرًا فَإِنَّا مُبْرِمُونَ

کیا ان لوگوں نے کوئی اقدام کرنے کا فیصلہ کرلیا ہے تو پھر ہم بھی ایک فیصلہ کیے دیتے ہیں

کفار کا اقدام یہ تھا کہ اسلام کی دعوت کو کبھی پروان نہ چڑھنے دیں گے اس دعوت کو روکنے کے لیے منظم تدبیریں اور سازشیں کرتے رہے۔ جس کے مقابلے میں پھر ہم نے بھی اپنی تدبیر کی۔ سورہ نمل (۵۰) میں ارشاد ہے کہ: ﴿وَ مَكَرُوْا مَكْرًا وَّ مَكَرْنَا مَكْرًا وَّ هُمْ لَا يَشْعُرُوْنَ﴾ انہوں نے مکر کیا اور ہم نے بھی اس طرح مکر کیا کہ انہیں پتہ بھی نہ چلا۔ سورہ طور (۴۲) میں فرمایا: ﴿اَمْ يُرِيْدُوْنَ كَيْدًا فَالَّذِيْنَ كَفَرُوْا هُمُ الْمَكِيْدُوْنَ﴾ اور ہم سے زیادہ مضبوط تدبیر کس کی ہو سکتی ہے۔