سورة الزخرف - آیت 71
يُطَافُ عَلَيْهِم بِصِحَافٍ مِّن ذَهَبٍ وَأَكْوَابٍ ۖ وَفِيهَا مَا تَشْتَهِيهِ الْأَنفُسُ وَتَلَذُّ الْأَعْيُنُ ۖ وَأَنتُمْ فِيهَا خَالِدُونَ
ترجمہ فہم القرآن - میاں محمد جمیل
ان کے سامنے سونے کے ٹرے اور ساغر پیش کیے جائیں گے اور ہر من پسند اور نگاہوں کو خوش کردینے والی چیزیں وہاں موجود ہوگی ان سے کہا جائے گا تم اس میں ہمیشہ رہو گے
تسہیل البیان فی تفسیر القرآن - ام عمران شکیلہ بنت میاں فضل حسین
جنت میں چاروں طرف سے ان کے سامنے طرح طرح کے مرغن خوش ذائقہ، مرغوب کھانوں کی طشتریاں، رکابیاں اور پیالیاں پیش ہوں گی اور غلام چھلکتے ہوئے جام ہاتھوں میں لیے ادھر اُدھر گردش کر رہے ہوں گے۔ یعنی انھیں مزے دار، خوشبو والے، اچھی رنگت والے، من مانے کھانے پینے كو ملیں گے اہل جنت کی بیویاں حورعین میں سے ہوں گی اور دنیا کی بیویاں الگ ہوں گی اور یہ نعمتیں ہمیشہ رہنے والی ہیں اور تم بھی ہمیشہ یہاں ہی رہو گے۔