سورة الشورى - آیت 44

وَمَن يُضْلِلِ اللَّهُ فَمَا لَهُ مِن وَلِيٍّ مِّن بَعْدِهِ ۗ وَتَرَى الظَّالِمِينَ لَمَّا رَأَوُا الْعَذَابَ يَقُولُونَ هَلْ إِلَىٰ مَرَدٍّ مِّن سَبِيلٍ

ترجمہ فہم القرآن - میاں محمد جمیل

جسے اللہ ہی گمراہی میں پھینک دے اسے کوئی بھی اللہ کے سوا سنبھالنے والا نہیں۔ تم دیکھو گے کہ جب ظالم عذاب دیکھیں گے تو کہیں گے کیا واپس پلٹنے کا کوئی راستہ ہے

تسہیل البیان فی تفسیر القرآن - ام عمران شکیلہ بنت میاں فضل حسین

یعنی اللہ جسے چاہے راہ رست دکھا دے اور کوئی اس کو بہکا نہیں سکتا اور جس سے وہ راہ حق گم کر دے اسے کوئی اس راہ کو دکھا نہیں سکتا۔ سورہ کہف (۱۷) میں ارشاد فرمایا کہ: ﴿وَ مَنْ يُّضْلِلْ فَلَنْ تَجِدَ لَهٗ وَلِيًّا مُّرْشِدًا﴾ ’’جسے وہ گمراہ کر دے اس کا کوئی چارہ ساز اور راہبر نہیں۔‘‘ پھر اللہ تعالیٰ فرماتا ہے کہ یہ مشرکین قیامت کے عذاب کو دیکھ کر پلٹنے کی راہ پوچھیں گے یعنی وہ پوچھیں گے کہ ہمارے دوبارہ دنیا میں واپس جانے کی کوئی صورت ہے۔ تاکہ ہم بھی نیک عمل کر سکیں۔