سورة آل عمران - آیت 129

وَلِلَّهِ مَا فِي السَّمَاوَاتِ وَمَا فِي الْأَرْضِ ۚ يَغْفِرُ لِمَن يَشَاءُ وَيُعَذِّبُ مَن يَشَاءُ ۚ وَاللَّهُ غَفُورٌ رَّحِيمٌ

ترجمہ فہم القرآن - میاں محمد جمیل

آسمانوں اور زمین میں جو کچھ ہے سب اللہ ہی کا ہے۔ وہ جسے چاہے بخش دے یا جسے چاہے عذاب دے اللہ تعالیٰ بخشنے والا رحم کرنے والا ہے

تسہیل البیان فی تفسیر القرآن - ام عمران شکیلہ بنت میاں فضل حسین

اللہ زمین و آسمان کا مالک ہے اس کی ملکیت میں کوئی شریک نہیں، وہ کسی پر ظلم نہیں کرتا، حکمت و عدل کے ساتھ فیصلے کرتا ہے ۔اگر مغفرت، توبہ اور رحمت نہ ہوتی تو بندے ہلاک ہو جاتے۔ وہ چاہے تو ظالموں کو سزا دے، چاہے تو معاف کردے۔ کسی کی بد دعاؤں سے اللہ کے فیصلے نہیں بدل سکتے۔ اور یہ سب باتیں اللہ نے اپنے رسول اللہ صلی اللہ علیہ وسلم سے کہیں ہیں۔