سورة الزمر

بَلَىٰ قَدْ جَاءَتْكَ آيَاتِي فَكَذَّبْتَ بِهَا وَاسْتَكْبَرْتَ وَكُنتَ مِنَ الْكَافِرِينَ

اور اس وقت اسے یہ جواب ملے کہ کیوں نہیں میری آیات تیرے پاس آچکی تھیں تو نے انہیں جھٹلایا اور تکبر کیا اور تو کافروں میں شامل ہوا

جب گنہگار دنیا کی طرف لوٹنے کی آرزو کریں گے اور اللہ کی آیتوں کی تصدیق نہ کرنے کی حسرت کریں گے اور اللہ کے رسولوں کو نہ ماننے پر کڑھنے لگیں گے تو اللہ تعالیٰ فرمائے گا۔ کہ اب ندامت لا حاصل اور پچھتاوا بے سود۔ دنیا میں میں تو اپنی آیتیں اتار چکا تھا۔ لیکن تو انہیں جھٹلاتا رہا۔ اور ان کی تابعداری سے تکبر کرتا رہا۔ ان کا منکر رہا۔ کفر اختیار کیا۔ اب کچھ نہیں ہو سکتا۔