سورة الزمر

فَأَصَابَهُمْ سَيِّئَاتُ مَا كَسَبُوا ۚ وَالَّذِينَ ظَلَمُوا مِنْ هَٰؤُلَاءِ سَيُصِيبُهُمْ سَيِّئَاتُ مَا كَسَبُوا وَمَا هُم بِمُعْجِزِينَ

پھر اپنی کمائی کے برے نتائج انہوں نے بھگتے، اور ان لوگوں میں جو ظالم ہیں وہ بھی عنقریب اپنی کمائی کے برے بتائج بھگتیں گے، یہ ہمیں بے بس نہیں کر سکتے۔

مال کی کشادگی اللہ کی رضا کی دلیل نہیں: پہلی قومیں بھی اس غلط فہمی میں مبتلا رہیں کہ ہماری آسودہ حالی اس بات کی دلیل ہے کہ ہمارا پروردگار ہم سے راضی اور خوش ہے پھر وہ اس بات کو اپنے آبائی شرکیہ دین کی صداقت پر دلیل لاتے تھے تو انھیں ان باتوں کا جو انجام دیکھنا پڑا وہ سب کو معلوم ہے۔ اور اب جو مشرکین انہی کی ڈگر پر چل رہے ہیں تو یہ بھی ایسے ہی انجام سے دو چار ہونے والے ہیں یہ کہیں بھاگ کر اللہ کی گرفت سے بچ نہیں سکتے۔