سورة الصافات

إِذْ قَالَ لِقَوْمِهِ أَلَا تَتَّقُونَ

یاد کرو جب اس نے اپنی قوم سے کہا کہ تم لوگ ڈرتے کیوں نہیں

سیدنا الیاس علیہ السلام نے اپنی قوم سے فرمایا کہ تم اللہ سے ڈرتے نہیں ہو۔ بعل دیوتا کا بت تو تم نے خود گھڑا ہے۔ یہ پتھر کا بے جان بت ہے جس کے خالق تم خود ہو۔ اس کی حفاظت بھی تم ہی کرتے ہو پھر اسی کی عبادت بھی کرنے لگتے ہو۔ چاہیے تو یہ تھا کہ جس نے تمہیں بنایا اور تمہارے آبا واجداد کا بھی وہی خالق ہے تمہاری اور تمہارے آباو اجداد کی پرورش بھی کرتا ہے اور ان سب کو رزق بھی عطا کرتا ہے۔ ایسے بہترین خالق کو چھوڑ کر اپنے پتھر کے گڑھے ہوئے معبود کے سامنے سر بسجود ہوتے ہو۔ تعجب ہے۔