سورة سبأ - آیت 47

قُلْ مَا سَأَلْتُكُم مِّنْ أَجْرٍ فَهُوَ لَكُمْ ۖ إِنْ أَجْرِيَ إِلَّا عَلَى اللَّهِ ۖ وَهُوَ عَلَىٰ كُلِّ شَيْءٍ شَهِيدٌ

اِن سے فرما دیں اگر میں نے تم سے کوئی صلہ مانگا ہے تو وہ تمہیں ہی مبارک ہو۔ میرا اجر تو اللہ کے ذمہ ہے اور وہ ہر چیز پر گواہ ہے

دوسری بات یہ بھی سوچو کہ میں جو تمہاری خیر خواہی کرتا ہوں۔ تمہیں احکام دین پہنچاتا رہا ہوں، وعظ و نصیحت کرتا ہوں اس پر تم سے نہ کوئی معاوضہ طلب کرتا ہوں اور نہ کوئی دوسری غرض رکھتا ہوں۔ بدلہ تو اللہ ہی دے گا جو تمام چیزوں کی حقیقت سے مطلع ہے۔ میری تمہاری حالت اس ذات پر خوب روشن ہے۔ (ابن کثیر)