وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا وَجَدْنَا عَلَيْهِ آبَاءَنَا ۚ أَوَلَوْ كَانَ الشَّيْطَانُ يَدْعُوهُمْ إِلَىٰ عَذَابِ السَّعِيرِ
اور جب ان سے کہا جاتا ہے کہ اس چیز کی پیروی کرو جو اللہ نے نازل کی ہے کہتے ہیں کہ ہم تو اس چیز کی پیروی کریں گے جس پر ہم نے اپنے باپ دادا کو پایا ہے، کیا یہ انہی کی پیروی کریں گے خواہ شیطان ان کو بھڑکتی ہوئی آگ ہی کی طرف کیوں نہ بلاتا رہا ہو
تقلیدآباء شیطان کی پیروی ہے: تقلیدآباء کی حقیقت صرف اتنی ہے کہ بزرگوں میں سے کسی ایک نے کوئی غلطی کی۔کوئی غلط عقیدہ اپنایا۔یاکوئی بدعی کام شروع کردیا۔پھربعدکی نسلوں نے بزرگوں کی عقیدت کی بناکراس غلطی کودرست تسلیم کرتے ہوئے اسے رائج کرلیا۔اوراس کی تحقیق کی کسی نے ضرورت ہی نہ سمجھی۔اس آیت میں دوباتوں کی صراحت کی گئی ہے ایک یہ کہ تقلیدآباء بلاتحقیق اورشیطان کی پیروی ایک ہی چیزہے۔اوردوسرے یہ کہ شیطان کی پیروی کالازمی نتیجہ جہنم کاعذاب ہے۔گویاان سے سوال کیاجارہاہے کہ اگرشیطان تمہارے آباء واجدادکوجہنم کی طرف لے جارہاہے،توبھی تم اپنے آباء واجدادکی پیروی کرو گے۔