سورة العنكبوت - آیت 38
وَعَادًا وَثَمُودَ وَقَد تَّبَيَّنَ لَكُم مِّن مَّسَاكِنِهِمْ ۖ وَزَيَّنَ لَهُمُ الشَّيْطَانُ أَعْمَالَهُمْ فَصَدَّهُمْ عَنِ السَّبِيلِ وَكَانُوا مُسْتَبْصِرِينَ
ترجمہ فہم القرآن - میاں محمد جمیل
اور عاد وثمود کو ہم نے ہلاک کیا جہاں وہ رہتے تھے تم وہ مقامات دیکھ چکے ہو۔ ان کے اعمال کو شیطان نے ان کے لیے فیشن بنادیا تھا اور انہیں راہ راست سے گمراہ کردیا حالانکہ وہ ہوش گوش رکھنے والے تھے
تسہیل البیان فی تفسیر القرآن - ام عمران شکیلہ بنت میاں فضل حسین
قوم عاد، قوم ثمود اپنے اپنے دور کی ترقی یافتہ اور مہذب قومیں تھیں۔ سمجھد ار تھے، طاقتور تھے بالخصوص سنگ تراشی میں بہت مہارت رکھتے تھے، لیکن اللہ کے معاملہ میں شیطان نے ان کی مت ماردی تھی اور دین کے معاملے میں انہوں نے اپنی عقل و بصیرت سے کچھ کام نہ لیا۔