سورة العنكبوت - آیت 32

قَالَ إِنَّ فِيهَا لُوطًا ۚ قَالُوا نَحْنُ أَعْلَمُ بِمَن فِيهَا ۖ لَنُنَجِّيَنَّهُ وَأَهْلَهُ إِلَّا امْرَأَتَهُ كَانَتْ مِنَ الْغَابِرِينَ

ترجمہ فہم القرآن - میاں محمد جمیل

ابراہیم نے فرمایا کہ وہاں تو لوط ہے انہوں نے کہا ہم اچھی طرح جانتے ہیں کہ وہاں کون کون ہے ہم لوط اور اس کے گھر والوں کو بچا لیں گے اس کی بیوی پیچھے رہ جانے والوں میں ہوگی۔

تسہیل البیان فی تفسیر القرآن - ام عمران شکیلہ بنت میاں فضل حسین

ابراہیم علیہ السلام فرمانے لگے کہ وہاں تو لوط علیہ السلام ہیں۔ فرشتوں نے جواب دیا، ہم ان سے غافل نہیں ہیں۔ ہمیں حکم ہے کہ انہیں اور ان کے خاندان کو بچا لیں ہاں ان کی بیوی تو بیشک ہلاک ہو گی کیونکہ وہ اپنی قوم کے کفر میں ان کا ساتھ دیتی رہی ہے۔