سورة القصص

وَاسْتَكْبَرَ هُوَ وَجُنُودُهُ فِي الْأَرْضِ بِغَيْرِ الْحَقِّ وَظَنُّوا أَنَّهُمْ إِلَيْنَا لَا يُرْجَعُونَ

” فرعون نے اور اس کے لشکروں نے زمین میں کسی حق کے بغیر تکبر کیا اور سمجھے کہ انہیں کبھی ہماری طرف پلٹنا نہیں ہے۔“ (٣٩)

زمین سے مراد ارض مصر ہے جہاں فرعون حکمران تھا۔ انھیں اللہ نے زمین کے تھوڑے حصے میں چند دن کے لیے اقتدار بخشا تو وہ سمجھنے لگے کہ ان کے اوپر کوئی ہستی ہے ہی نہیں جو ان سے یہ اقتدار چھین سکتی ہے۔ نہ انھیں کبھی یہ خیال ہی آیا تھا کہ مرنے کے بعد ہمیں اللہ کے حضور پیش ہوناہے اور ہمارے ایک ایک کام سے متعلق ہم سے باز پُرس ہونے والی ہے۔