سورة القصص

وَأَصْبَحَ فُؤَادُ أُمِّ مُوسَىٰ فَارِغًا ۖ إِن كَادَتْ لَتُبْدِي بِهِ لَوْلَا أَن رَّبَطْنَا عَلَىٰ قَلْبِهَا لِتَكُونَ مِنَ الْمُؤْمِنِينَ

ادھر موسیٰ کی ماں کا دل اڑا جارہاتھا تو قریب تھا کہ وہ اس کا راز فاش کر بیٹھی۔ اگر ہم اس کی ڈھارس نہ بندھا دیتے۔ تاکہ وہ ایمان لانے والوں میں سے ہو۔ (١٠)

اُم موسیٰ کی بے قراری: امْ موسیٰ نے وحی کے مطابق حضرت موسیٰ علیہ السلام کودریاکی موجوں کے سپردتوکردیامگربعدمیں سخت بے تاب ہو گئیں۔ ماں کی ممتاچین نہ لینے دیتی تھی۔کئی باردل میں خیال آیاکہ لوگوں سے کہہ دیں کہ میں نے یہ بچہ دریامیں ڈال دیاہے کوئی مہربانی کرے اوراسے وہاں سے نکال کرمجھے واپس لادے۔لیکن اللہ نے ان کادل ٹھہرادیا،ڈھارس اورتسکین دے دی اورانہیں یقین کامل کرادیاکہ تیرابچہ تجھے ضرورمل جائے گا۔