سورة النمل - آیت 58

وَأَمْطَرْنَا عَلَيْهِم مَّطَرًا ۖ فَسَاءَ مَطَرُ الْمُنذَرِينَ

ترجمہ فہم القرآن - میاں محمد جمیل

نازل کی ان لوگوں پر بارش بہت ہی بری بارش تھی ان لوگوں کے لیے جنہیں متنبہ کیا گیا تھا۔“ (٥٨)

تسہیل البیان فی تفسیر القرآن - ام عمران شکیلہ بنت میاں فضل حسین

اس قوم پرآسمان سے پتھربرسائے گئے جن پران کے نام کندہ تھے۔ ہر ایک پراسی کے نام کاپتھرآیااورایک بھی ان سے بچ نہ سکا،ظالموں سے اللہ کی سزادورنہیں،انہیں ڈرایااوردھمکایاجاچکاتھا۔ تبلیغ رسالت کافی طورپرہوچکی تھی،لیکن انہوں نے جھٹلانے میں اوراپنی بے ایمانی پراُڑنے میں کمی نہیں کی اللہ کے نبی کو تکلفیں پہنچائیں بلکہ انہیں بستی سے نکال دینے کا ارادہ کیا۔ اس وقت اس بدترین بارش نے یعنی سنگ باری نے انہیں فنا کر دیا۔