سورة النمل

أَلَّا تَعْلُوا عَلَيَّ وَأْتُونِي مُسْلِمِينَ

جس کا مضمون ہے کہ میرے مقابلے میں سرکشی نہ کرو اور مسلم ہو کر میرے پاس حاضرہوجاؤ۔“ (٣١)

اس آیت میں (وَ اْتُوْنِيْ مُسْلِمِيْنَ) کے الفاظ آتے ہیں۔ مسلمین کا ایک مطلب تو یہ ہے کہ میرے فرمانبردار بن کر میرے ہاں آؤ اور یہ حکم آپ کی فرمانروائی سے مطابقت رکھتاہے اور دوسرا مطلب یہ ہے کہ اسلام لا کر یا مسلمان ہو کر میرے ہاں آؤ اور سورج پرستی چھوڑ دو اور یہ حکم آپ کی نبوت سے تعلق رکھتاہے۔ آپ چونکہ بادشاہ بھی تھے اور نبی بھی، لہٰذا مسلمین میں دونوں ہی مفہوم پائے جاتے ہیں۔