سورة الشعراء

وَتَوَكَّلْ عَلَى الْعَزِيزِ الرَّحِيمِ

اللہ غالب اور مہربان پر توکل کرو۔

اس اللہ پر بھروسہ رکھیے جونہ ماننے والوں اور اس کے دین کی راہ میں روڑے اٹکانے والوں پر غالب ہے اور انھیں سزا دینے کی پوری قدرت رکھتاہے۔ اور مومنوں کے حق میں جو کافروں کے ہاتھوں نشانۂ ستم بنے ہوئے ہیں وہ ان مظلوموں کی ضرور مدد کرے گا وہی تمہارا حامی وناصر ہے وہی تمہاری تائید کرنے والاہے اور تمہارے کلمے کو بلند کرنے والاہے۔ اس کی نگاہیں ہر وقت تم پر ہیں ارشاد ہے: ﴿وَ اصْبِرْ لِحُكْمِ رَبِّكَ فَاِنَّكَ بِاَعْيُنِنَا﴾ (الطور: ۴۸) ’’اپنے رب کے حکموں پر صبر کر، تو ہماری آنکھوں کے سامنے ہے۔‘‘