سورة الشعراء

أَوَلَمْ يَكُن لَّهُمْ آيَةً أَن يَعْلَمَهُ عُلَمَاءُ بَنِي إِسْرَائِيلَ

کیا ان لوگوں کے لیے کوئی نشانی نہیں ہے۔ کہ اسے بنی اسرائیل کے علماء بھی جانتے ہیں؟“ (١٩٧)

علمائے بنی اسرائیل خوب جانتے تھے کہ آ پ صلی اللہ علیہ وآلہ وسلم موعود رسول ہیں۔ یعنی آپ کی رسالت کی صداقت کے لیے یہ ثبوت بھی کافی ہے کہ جس کی سابقہ کتابوں میں خبرد ی گئی ہے پھر ان میں سے بعض منصف مزاج عالموں نے اسی خبر کی بناء پر اسلام قبول کرلیا جیسے عبداللہ بن سلام اور اس کے ساتھیوں نے کیا تھا اور ان جیسے حق گو حضرات نے دنیا کے سامنے توراۃ وانجیل کی وہ آیتیں رکھ دیں جو حضور صلی اللہ علیہ وآلہ وسلم شان کو ظاہر کرنے والی تھیں۔