سورة الشعراء - آیت 169

رَبِّ نَجِّنِي وَأَهْلِي مِمَّا يَعْمَلُونَ

ترجمہ فہم القرآن - میاں محمد جمیل

اے پروردگار مجھے اور میرے اہل وعیال کو ان کے برے کاموں سے نجات دے۔ (١٦٩)

تسہیل البیان فی تفسیر القرآن - ام عمران شکیلہ بنت میاں فضل حسین

جب لوط علیہ السلام ان لوگوں کے راہ راست پر آنے سے مایوس ہوگئے اور ان کی سرکشی بڑھتی گئی تو اس وقت آپ نے سخت اضطراب کے عالم میں اللہ سے دعا کی کہ اب ہم زیادہ دیر اس اوباش سوسائٹی میں نہیں رہ سکتے ۔ لہٰذا ان لوگوں سے ہماری نجات کی کوئی صورت پیدا فرمادے۔