سورة الفرقان

وَلَقَدْ آتَيْنَا مُوسَى الْكِتَابَ وَجَعَلْنَا مَعَهُ أَخَاهُ هَارُونَ وَزِيرًا

” ہم نے موسیٰ کو کتاب دی اور اس کے بھائی ہارون کو اس کا مددگار بنایا۔ (٣٥)

انبیاء کی دشمنی کا خمیازہ: اللہ تعالیٰ مشرکین کو اور آپ کے مخالفین کو اپنے عذابوں سے ڈرا رہا ہے کہ تم سے پہلے جن لوگوں نے میرے نبیوں کی نہ مانی، ان سے دشمنی کی، ان کی مخالفت کی، میں نے انھیں تہس نہس کر دیا، فرعونیوں کا حال تم سن چکے ہو کہ موسیٰ اور ہارون علیہما السلام کو ان کی طرف نبی بنا کر بھیجا لیکن انھوں نے نہ مانا، جس کے باعث اللہ کا عذاب آگیا اور سب ہلاک کر دئیے گئے۔