سورة الفرقان

إِذَا رَأَتْهُم مِّن مَّكَانٍ بَعِيدٍ سَمِعُوا لَهَا تَغَيُّظًا وَزَفِيرًا

جب انہیں جہنم دور سے دیکھے گی توجہنمی اس کے غضب اور جوش کی آوازیں سنیں گے۔ (١٢)

جہنم کا دیکھنا اور چلانا، ایک حقیقت ہے۔ استعارہ نہیں، اللہ کے لیے اس کے اندر احساس وادراک کی قوت پیدا کر دینا مشکل نہیں ہے، وہ جو چاہے کر سکتا ہے۔ آخر قوت گویائی بھی تو اللہ تعالیٰ اسے عطا فرمائے گا اور وہ (ھَلْ مِنْ مَّزِیْدَ) کی صدا بلند کرے گی۔ ارشادِ باری تعالیٰ ہے: ﴿يَوْمَ نَقُوْلُ لِجَهَنَّمَ هَلِ امْتَلَاْتِ وَ تَقُوْلُ هَلْ مِنْ مَّزِيْدٍ﴾ (قٓ: ۳۰) ’’جس دن ہم دوزخ سے پوچھیں گے کیا تو بھر چکی؟ وہ جواب دے گی کیا کچھ اور زیادہ بھی ہے؟‘‘