سورة الأنبياء - آیت 45
قُلْ إِنَّمَا أُنذِرُكُم بِالْوَحْيِ ۚ وَلَا يَسْمَعُ الصُّمُّ الدُّعَاءَ إِذَا مَا يُنذَرُونَ
ترجمہ فہم القرآن - میاں محمد جمیل
” ان سے فرمادو کہ میں تمہیں وحی کے ساتھ ڈراتا ہوں مگر بہرے آواز کو نہیں سنا کرتے جب انہیں خبردار کیا جائے۔ (٤٥)
تسہیل البیان فی تفسیر القرآن - ام عمران شکیلہ بنت میاں فضل حسین
اللہ تعالیٰ اپنے نبی سے فرماتے ہیں کہ آپ صلی اللہ علیہ وسلم ان سے کہیے کہ میں تو اللہ کی طرف کا مبلغ ہوں، جن جن عذابوں سے تمھیں خبردار کر رہا ہوں یہ اپنی طرف سے نہیں ہے بلکہ اللہ کا کہا ہوا ہے۔ ہاں جن کی آنکھیں اللہ نے اندھی کر دی ہیں اور جن کے دل و دماغ بند کر دیے ہیں۔ انھیں اللہ کی یہ باتیں سودمند نہیں پڑتیں، بہروں کو آگاہ کرنا بے کار ہے۔کیونکہ وہ تو سنتے ہی نہیں۔