سورة الأنبياء - آیت 11
وَكَمْ قَصَمْنَا مِن قَرْيَةٍ كَانَتْ ظَالِمَةً وَأَنشَأْنَا بَعْدَهَا قَوْمًا آخَرِينَ
ترجمہ فہم القرآن - میاں محمد جمیل
” کتنی ہی ظالم بستیاں ہیں جن کو ہم نے تہس نہس کردیا اور ان کے بعد دوسری قوم کو اٹھایا۔ (١١)
تسہیل البیان فی تفسیر القرآن - ام عمران شکیلہ بنت میاں فضل حسین
یعنی یہ نہیں ہوا تھا کہ ظالم قوموں کو ہلاک کرنے کے بعد یہ زمین بے آباد اور ویران رہ گئی تھی بلکہ اس زمین پر ہم نے فوراً دوسرے لوگ لاکر آباد کر دیے اور اس کا اگر کچھ نقصان پہنچا تھا تو ان ظالموں ہی کو پہنچا تھا۔ چنانچہ ارشاد ہے: ﴿وَ كَمْ اَهْلَكْنَا مِنَ الْقُرُوْنِ مِنۢ بَعْدِ نُوْحٍ﴾ (بنی اسرائیل: ۱۷) ’’قوم نوح کے بعد ہم نے کتنی ہی بستیاں ہلاک کر دیں۔‘‘