سورة طه - آیت 112

وَمَن يَعْمَلْ مِنَ الصَّالِحَاتِ وَهُوَ مُؤْمِنٌ فَلَا يَخَافُ ظُلْمًا وَلَا هَضْمًا

اور اس شخص کو کسی ظلم یاحق تلفی کا خطرہ نہیں ہوگا جو نیک عمل کرے اور وہ مومن ہو۔“ (١١٢)

یعنی اعمال کی جزا کے لیے دوشرائط کا ہونا ضروری ہے۔ ایک ایمان بالغیب کے تمام اجزا پر ایمان لانا، دوسرے ایسے اعمال صالحہ جو شریعت کی پابندیوں کو ملحوظ رکھ کر بجا لائے گئے ہوں مثلاً ان میں ریاکاری نہ ہو، سنت کے مطابق ہوں اور بعد میں احسان جتلا کر یا شرک کرکے ان اعمال کو برباد نہ کر دیا گیا ہو۔ ایسے اعمال کا بدلہ ضرور اور پورا پورا ملے گا۔ تفسیر طبری میں ہے کہ گناہ کی زیادتی اور نیکی کی کمی سے وہ بے خوف ہیں۔ نہ ان کی برائیاں بڑھائی جائیں گی اور نہ نیکیاں گھٹائی جائیں گی۔