سورة النحل - آیت 104
إِنَّ الَّذِينَ لَا يُؤْمِنُونَ بِآيَاتِ اللَّهِ لَا يَهْدِيهِمُ اللَّهُ وَلَهُمْ عَذَابٌ أَلِيمٌ
ترجمہ فہم القرآن - میاں محمد جمیل
یقیناً جو لوگ اللہ کی آیات پر ایمان نہیں لاتے اللہ انہیں ہدایت نہیں دیتا اور ان کے لیے درد ناک عذاب ہے۔“ (١٠٤) ”
تسہیل البیان فی تفسیر القرآن - ام عمران شکیلہ بنت میاں فضل حسین
یعنی جن لوگوں نے عزم ہی کر لیا ہو وہ کسی قیمت پر بھی حق بات کو تسلیم نہیں کریں گے تو اللہ تعالیٰ کو کیا ضرورت پڑی ہے کہ وہ زبردستی انھیں راہ راست پر لائے۔ ان کو موت اسی حالت پر ہوگی اور انھیں اپنی کرتوتوں کی دردناک سزا ملے گی۔