سورة النحل - آیت 60
لِلَّذِينَ لَا يُؤْمِنُونَ بِالْآخِرَةِ مَثَلُ السَّوْءِ ۖ وَلِلَّهِ الْمَثَلُ الْأَعْلَىٰ ۚ وَهُوَ الْعَزِيزُ الْحَكِيمُ
ترجمہ فہم القرآن - میاں محمد جمیل
جو لوگ آخرت پر ایمان نہیں رکھتے ان کے لیے بری مثال ہے اور اللہ کے لیے سب سے اعلیٰ مثال ہے اور وہی سب پر غالب حکمت والاہے۔“ (٦٠)
تسہیل البیان فی تفسیر القرآن - ام عمران شکیلہ بنت میاں فضل حسین
یعنی ایسی گھٹیا صفات تو ان ظالموں کی ہی ہوسکتی ہیں جن کاروز آخرت پر ایمان نہیں ۔ اللہ تعالیٰ کی ہر صفت مخلوق کے مقابلے میں اعلیٰ و برتر ہے۔ مثلاً اس کاعلم وسیع ہے۔ اس کی قدرت لامتناہی ہے، اس کی جود وعطا بے نظیر ہے۔ وہ قادر ہے، خالق ہے، رازق ہے، سمیع وبصیر ہے۔ (فتح القدیر) اللہ کی ذات ان کے تصور سے بھی بلند تر اور ماورا ہے۔ اصل یہ ہے کہ بُری مثال اور نقصان انہی کافروں کے لیے ہے ۔ اللہ کے لیے کمال ہے وہ عزیز و حکیم ہے ۔ اور ذوالجلال والاکرام ہے۔