سورة ابراھیم

هَٰذَا بَلَاغٌ لِّلنَّاسِ وَلِيُنذَرُوا بِهِ وَلِيَعْلَمُوا أَنَّمَا هُوَ إِلَٰهٌ وَاحِدٌ وَلِيَذَّكَّرَ أُولُو الْأَلْبَابِ

” یہ لوگوں کے لیے ایک پیغام ہے اور تاکہ انہیں اس کے ساتھ ڈرایا جائے اور تاکہ وہ جان لیں کہ حقیقت یہی ہے کہ اللہ ایک ہی حقیقی معبود ہے اور تاکہ عقل والے نصیحت حاصل کریں۔“ (٥٢)

یعنی قرآن کا پیغام ایسی چیز ہے جسے تمام لوگوں تک پہنچانا ضروری ہے اور اس کے تین فائدے ہیں : (۱) لوگوں کو ان کے برے اعمال کے انجام سے بروقت خبردار کیاجائے اور ڈرایاجائے۔ (۲) لوگوں کو معلوم ہوجائے کہ ان کے اعمال پر گرفت کرنے والی صرف ایک ہی ہستی ہے لہٰذا ہر حال میں اُسی کی طرف رجوع کیاجائے، اس کی بندگی کی جائے اور اپنے نفع و نقصان کے وقت اُسے ہی پکارا جائے۔ (۳) قرآن میں مذکور آیات و واقعات سے اہل دانش عبرت اور سبق حاصل کریں۔ الحمدللہ!