سورة ابراھیم

وَمَا لَنَا أَلَّا نَتَوَكَّلَ عَلَى اللَّهِ وَقَدْ هَدَانَا سُبُلَنَا ۚ وَلَنَصْبِرَنَّ عَلَىٰ مَا آذَيْتُمُونَا ۚ وَعَلَى اللَّهِ فَلْيَتَوَكَّلِ الْمُتَوَكِّلُونَ

” اور ہمیں کیا ہوا ہے کہ ہم اللہ پر بھروسہ نہ کریں، حالانکہ اس نے ہمیں راستے دکھا دیے ہیں اور ہم ہر صورت اس پر صبر کریں گے جو تم ہمیں تکلیف پہنچاؤ گے اور پس چاہیے کہ بھروسہ کرنے والے اللہ تعالیٰ پر ہی بھروسہ کریں۔“

مومنوں کو تو ہر کام میں اللہ ہی پر توکل کرنا ہے اور خصوصیت کے ساتھ ہمیں اللہ پر زیادہ توکل اور بھروسہ ہے۔ اس لیے بھی کہ اس نے تمام راہوں سے بہترین راہ دکھائی ۔ تم جتنا چاہے دکھ دو،ان شاء اللہ ہمارے ہاتھ سے دامن توکل چھوٹنے والانہیں۔ اللہ پر بھروسہ کرنے والوں کے لیے اللہ کافی ہے۔