سورة الرعد - آیت 1

المر ۚ تِلْكَ آيَاتُ الْكِتَابِ ۗ وَالَّذِي أُنزِلَ إِلَيْكَ مِن رَّبِّكَ الْحَقُّ وَلَٰكِنَّ أَكْثَرَ النَّاسِ لَا يُؤْمِنُونَ

ترجمہ فہم القرآن - میاں محمد جمیل

” ا آآرٰ۔ کتاب کی آیات ہیں اور جو کچھ آپ کی طرف آپ کے رب کی طرف سے نازل کیا گیا ہے وہ حق ہے۔ لیکن اکثر لوگ نہیں جانتے۔“ (١)

تسہیل البیان فی تفسیر القرآن - ام عمران شکیلہ بنت میاں فضل حسین

یہ عین وہی حق باتیں ہیں جو تمام انبیا کی شریعتوں میں اصول دین رہی ہیں۔ مثلاً یہ کہ اللہ تعالیٰ کی اس کائنات میں کسی فرمانروائی میں کوئی دوسرا اس کا شریک نہیں اور یہ کہ قیامت آکر رہے گی۔ یہ نظام درہم برہم ہو جائے گا۔ دوسرا عالم بنایا جائے گا جس میں تمام اچھے اور برے انسانوں کو ان کے اعمال کا بدلہ ضرور ملے گا۔ اور باوجود حق ہونے کے پھر بھی اکثر لوگ ایمان سے محروم ہیں جیسا کہ قرآن میں ہے کہ تو حرص کرے مگر اکثر لوگ ایمان قبول کرنے والے نہیں۔ یعنی اس کی واضح حقانیت کے باوجود ان کی ضد، ہٹ دھرمی اور سرکشی انھیں ایمان کی طرف متوجہ ہونے نہ دے گی۔