سورة یوسف - آیت 43

وَقَالَ الْمَلِكُ إِنِّي أَرَىٰ سَبْعَ بَقَرَاتٍ سِمَانٍ يَأْكُلُهُنَّ سَبْعٌ عِجَافٌ وَسَبْعَ سُنبُلَاتٍ خُضْرٍ وَأُخَرَ يَابِسَاتٍ ۖ يَا أَيُّهَا الْمَلَأُ أَفْتُونِي فِي رُؤْيَايَ إِن كُنتُمْ لِلرُّؤْيَا تَعْبُرُونَ

” اور بادشاہ نے کہا یقیناً میں سات موٹی گائیں دیکھتا ہوں جنہیں سات دبلی گائیں کھا رہی ہیں اور سات سبز خوشے اور کچھ دوسرے خشک دیکھتا ہوں اے درباریو! مجھے میرے خواب کی تعبیر بتاؤ، اگر تم خواب کی تعبیر جانتے ہو۔ (٤٣)’

اللہ کی قدرت کہ حضرت یوسف علیہ السلام پاکیزگی براءت اور عصمت کے ساتھ قید خانہ سے نکلیں اس کے لیے سبب بنایا کہ شاہ مصر نے ایک خواب دیکھا جس سے وہ حیران و پریشان ہو گیا درباریوں کے سامنے خواب بیان کرکے اس کی تعبیر دریافت کی لیکن کسی کی سمجھ میں کچھ نہیں آیا۔