سورة ھود - آیت 9

وَلَئِنْ أَذَقْنَا الْإِنسَانَ مِنَّا رَحْمَةً ثُمَّ نَزَعْنَاهَا مِنْهُ إِنَّهُ لَيَئُوسٌ كَفُورٌ

ترجمہ فہم القرآن - میاں محمد جمیل

” اور بلاشبہ اگر ہم انسان کو اپنی رحمت سے نوازیں پھر اسے اس سے چھین لیں تو یقیناً وہ انتہائی نا امید اور بے حد ناشکرا ہوتا ہے۔“

تسہیل البیان فی تفسیر القرآن - ام عمران شکیلہ بنت میاں فضل حسین

عام طور پر انسانوں میں برائیاں پائی جاتی ہیں کہ راحت کے بعد اگر سختی آجاتی ہے تو نااُمید ہو جاتے ہیں مایوس ہو جاتے ہیں۔ اللہ سے بدگمانی کرکے آئندہ کے لیے بھلائی کو بھول جاتے ہیں گویا نہ اس سے پہلے کوئی راحت ملی نہ اس کے بعد آرام کی توقع ہے۔