سورة یونس - آیت 32
فَذَٰلِكُمُ اللَّهُ رَبُّكُمُ الْحَقُّ ۖ فَمَاذَا بَعْدَ الْحَقِّ إِلَّا الضَّلَالُ ۖ فَأَنَّىٰ تُصْرَفُونَ
ترجمہ فہم القرآن - میاں محمد جمیل
سو اللہ ہی تمھارا سچا رب ہے۔ پھر سچ کے بعد گمراہی کے سوا کیا ہے ؟ بس تم کہاں پھیرے جاتے ہو۔“ (٣٢) ”
تسہیل البیان فی تفسیر القرآن - ام عمران شکیلہ بنت میاں فضل حسین
تمھارا رب، معبود حقیقی تو یہی پروردگار ہے۔ جسے کے بارے میں تمھیں خود اعتراف ہے کہ ہر چیز کا خالق و مالک، مدبر وہی ہے۔ ہر چیز کی بادشاہت اُسی کے ہاتھ میں ہے۔ زمین و آسمان، اور خشک و تر کا مالک ہے۔ عالم بالا اور عالم سفلٰی اسی کا ہے۔ سب جن و انس، فرشتے اور مخلوق اس کے سامنے عاجز و بے بس ہیں۔ پھر اس معبود کو چھوڑ کر جو تم دوسرے معبود بنائے پھرتے ہو وہ گمراہی کے سوا کچھ نہیں تمھاری سمجھ میں یہ بات کیوں نہیں آتی؟ تم کہاں پھر ے جاتے ہو۔