سورة یونس - آیت 10

دَعْوَاهُمْ فِيهَا سُبْحَانَكَ اللَّهُمَّ وَتَحِيَّتُهُمْ فِيهَا سَلَامٌ ۚ وَآخِرُ دَعْوَاهُمْ أَنِ الْحَمْدُ لِلَّهِ رَبِّ الْعَالَمِينَ

ترجمہ فہم القرآن - میاں محمد جمیل

”ان کی دعا اس میں یہ ہوگی ” اے اللہ تو پاک ہے !“ اور ان کی آپس کی دعا اس میں سلام ہوگی اور ان کی دعا کا خاتمہ یہ ہوگا کہ سب تعریف اللہ کے لیے ہے۔ جو تمام جہانوں کا پالنے والا ہے۔“

تسہیل البیان فی تفسیر القرآن - ام عمران شکیلہ بنت میاں فضل حسین

خاتمہ کلام۔ سب طرح کی تعریف اللہ کے لیے ہے۔ جب اہل جنت کی خواہش کی اشیاء انھیں مہیا کر دی جائیں گی اور وہ ان سے استفادہ کر لیں گے۔ اور آپس میں محو گفتگو ہوں گے تو ان کا آپس میں تحفہ بھی سلام ہوگا وہاں کوئی لغو بات کانوں میں نہ پڑے گی درو دیوار سے سلامتی کی آوازیں آتی رہیں گی۔ (تیسیر القرآن)